राजधानीमा संसदको काम प्रभावित नहुने गरी उनीहरूलाई सम्बन्धित क्षेत्रका जुलुस र सभामा परिचालित हुन भनिएको छ । ‘सबै सांसदलाई समय मिलाएर जनपरिचालन अभियानमा संलग्न हुन भनिएको छ,’ प्रमुख सचेतक भानुभक्त ढकालले भने । तराईका सबै जिल्लाका प्रमुख सहरमा जुलुस र सभा गर्ने एमालेको तयारी गरेको छ । ती सभामा पार्टीका केन्द्रीय नेताहरू सम्बोधन गर्न पुग्नेछन् । तराईमा जनमत बिग्रिइरहेको भन्ने भ्रम चिर्न एमालेले त्यही शक्ति प्रदर्शन गरेर देखाउन लागेको हो ।
बैठकमा अध्यक्ष ओलीले संविधान र एमालेविरुद्ध फिजाइएका भ्रमहरू चिर्न पार्टी परिचालित हुन लागेको बताए । त्यसका लागि सबै कार्यकर्ता र नेताहरू जुलुस र सभामा संलग्न हुनुपर्ने उनको भनाइ थियो । दुई साताको स्थगनपछि बस्न लागेको संसद् बैठकका सन्दर्भमा पनि संसदीय दलमा छलफल भएको थियो । विशेष गरी संविधान संशोधनसम्बन्धी प्रस्ताव छलफल गर्न दिने कि नदिने भन्ने टुंगो गर्नुपर्ने भएकाले संसदीय दल अन्य विपक्षी गठबन्धनका दलहरूसँगको परामर्शमा मात्र निष्कर्षमा पुग्ने भएको छ ।
Source : Ekantipur
प्रकाशित: फाल्गुन १२, २०७३
Post A Comment:
0 comments: